摘要：排葡超尾2嘅朴迪莫伦斯，将于主场迎战中游分子基维辛迪。朴迪莫伦斯虽然实力较弱，喺联赛输多赢少，但都有自知之明，主场比赛唔会乱咁攻，以守行先，今次联赛重开遇上有一定实力嘅基维辛迪，料会全力防守，吼实中位...
排葡超尾2嘅朴迪莫伦斯，将于主场迎战中游分子基维辛迪。朴迪莫伦斯虽然实力较弱，喺联赛输多赢少，但都有自知之明，主场比赛唔会乱咁攻，以守行先，今次联赛重开遇上有一定实力嘅基维辛迪，料会全力防守，吼实中位数2.5球入球细。
基维辛迪踢风流波
朴迪莫伦斯战绩低落，今季仅得2胜，但有10场开出和波，当中6场喺主场取得，而且全部开2球或以下。喺葡超停摆前，佢哋连续5次联赛主场开出入球细，当中2场比数为0比0，包括主场闷和实力唔算高嘅塞图巴尔，可见朴迪莫伦斯踢法保守，往往以1分为目标，即使输波都好少大败。
基维辛迪现居联赛第9位，既无争标机会，又不愁降班，对呢类中游球队嚟讲，首要任务係顺利完成赛事，估计球员都会踢得较为锡身，赢波与否就要睇临场战意。联赛停摆多时，球员状态变成点实在难以估计，加上基维辛迪今仗作客，相信踢法会更加保守，避重就轻，遇上一心防守嘅朴迪莫伦斯，预计闷战一场，入球细值博。
