推荐预测:不來梅半場和啱數

发布时间: 2020-05-18 03:52 作者: 泡芙爱足球 文章字数:578字 阅读时间:2分钟

摘要:出勤王停賽谷唔起德甲重開壓軸戰由雲達不來梅今晚主場迎戰利華古遜。雲達不來梅需要搶分護級,不過球隊「出勤王」、荷蘭中場卡拉臣累積5面黃牌要停賽,令本身攻力薄弱嘅中場線雪上加霜,今仗相信會先守住,利華古遜...

出勤王停賽谷唔起

德甲重開壓軸戰由雲達不來梅今晚主場迎戰利華古遜。雲達不來梅需要搶分護級,不過球隊「出勤王」、荷蘭中場卡拉臣累積5面黃牌要停賽,令本身攻力薄弱嘅中場線雪上加霜,今仗相信會先守住,利華古遜雖然要搶分爭入歐聯,但佢哋踢法穩中求勝,停擺前6場作客5場同對手打和,再追半場和啱數。

現時排尾二嘅雲達不來梅,少踢2場之下落後尾3嘅杜塞爾多夫5分,要起碼取得附加賽資格甚或護級成功仍然未絕望。不過,不來梅今季攻擊力真係差到嚇死人,24戰只入27球,與杜塞爾多夫同屬德甲入波最少球隊,失球數字55球則「獨佔」榜尾,絕對係「攻不銳、守不穩」。

本來經歷停擺,可以畀不來梅抖抖氣,然後重新上路,可惜球隊「出勤王」卡拉臣喺停擺前喺德國盃攞黃牌,呢名今季24場聯賽全部正選上陣嘅荷蘭中場,累積5面黃牌要停賽,加上瑞典國腳左閘奧古斯天臣拉傷肌肉缺陣,對球隊影響甚大,估計佢哋今場只會以守代攻搶分。

利華習慣穩中求勝

利華古遜現時排聯賽第5,少踢1場之下只同第4嘅RB萊比錫相差4分,歐聯入場券觸手可及,實力無疑比雲達不來梅勝一籌,不過隊中神射手禾蘭受傷未能上陣,今場會用夏維斯、艾拿利奧及穆沙戴亞比攻堅,加上利華古遜近期聯賽作客稍為穩陣,停擺前6場作客有5場開半場和,相信經過一段休息期,球員們仍然要適應比賽節奏,即使面對弱旅,比賽初段未必採取主攻,今場捧半場和。

  • 版权声明:以上文章内容仅代表作者本人观点,不代表jrs直播体育网观点或立场。如有关于作品内容、版权问题请联系我们进行处理
  • 本文链接:http://www.jrszbc.com/news/detail/9580