摘要：往绩输晒唔敢托大周六下午澳职爆发悉尼打吡，西悉尼流浪者主场硬撼「1哥」FC悉尼。流浪者仍有机会争入季后赛，争胜决心唔需要怀疑，FC悉尼近况回落，而且今季联赛两次交锋都输畀对手，唔想再失威一定先做好防守...
往绩输晒唔敢托大
周六下午澳职爆发悉尼打吡，西悉尼流浪者主场硬撼「1哥」FC悉尼。流浪者仍有机会争入季后赛，争胜决心唔需要怀疑，FC悉尼近况回落，而且今季联赛两次交锋都输畀对手，唔想再失威一定先做好防守。两军近年喺打吡战都好紧谨，入波唔算多，相信今次唔会例外，捧中位数2.5球入球细。
以水准嚟讲，呢场波唔算世界顶班，但係因为全球联赛停摆，所以世界各地球迷都聚焦喺今场澳职打吡。据知，英国、意大利、美国等多地，都会直播今场大战，预期观众数字数以百万计，真真正正係全球瞩目。
西悉尼流浪者今季表现飘忽，季中曾经一度试过10场联赛输8场，好彩球队喺2月手起刀落炒咗德国籍教练巴布，改由助教马里尼接手后及时反弹，对上6场联赛攞到3胜2和1负，只比排第6嘅西部联少2分，仍有机会争入季后赛。1月份由修安联加盟嘅前锋西蒙确斯近6场比赛入2球，火速融入球队，加上中坚柏德列施格拿及左翼衞丹尼尔佐治夫斯基坐完波监可复出，夫添出击战力更有保证。
近5交手4次2球或以下
FC悉尼于榜首遥遥领先，甩开「2哥」墨尔本城7分并打少3场，重夺常规赛冠军只係时间问题。悉尼早前因要分心亚冠盃，导致联赛战绩下滑，近3场联赛仅得1胜1和1负，包括喺主场0比1不敌流浪者，今季2次打吡战都输波，为咗唔想再失威，今场肯定打醒十二分精神。睇番两军过去5次交手，有4次总入球都开2球或以下，相信今场形势唔会差太远，中位数2.5球细盘捧得过。
