推荐预测：罗沙里奥中央主Ｗ冇甩拖

高隆作客输到慌

阿根廷超级联赛盃周一早上续有2场B组赛事上演，波童重心放喺尾场罗沙里奥中央主场斗高隆。高隆喺刚过去一季阿甲护级失败，来季将要降落阿乙作赛，士气跌落谷底，加上佢哋对上11场作客联赛输10场，对住主场6连胜嘅罗沙里奥中央睇怕冇运行，1.64倍主胜稳开。

阿甲降班係计算球队过去3季联赛平均分，基本上係为保障一啲有实力球队，所以高隆护级失败，绝对唔係因为一时表现走样，反而係长期积弱嘅最佳证明。事实上，高隆连续2季都係阿甲作客成绩最差球队，前后踢咗24场联赛一场都冇赢过，合共只得5和19负，刚结束一季11场作客更输足10场，今场盃赛想反弹唔容易。

罗沙里奥中央喺刚结束联赛排名第9，攞到来届南球盃参赛资格，其实佢哋最终积分只比季军沙士菲少3分，整体表现唔算曳；如果单计主场成绩，罗沙里奥中央更加係失分最少球队，11场主场联赛攞到7胜3和1负，其中季尾6场全部赢晒，包括击败今季阿甲盟主小保加，战斗力不容忽视，以咁嘅状态可望喺B组旗开得胜。

拉鲁斯小阿根廷人吼细盘

至于同组另一场较早开波嘅比赛拉鲁斯对小阿根廷人；小阿根廷人上周中喺阿根廷盃只能险胜低组别球队卡纽拿斯1比0，如今匆匆再战，体力上肯定输蚀，佢哋联赛连盃赛近13场比赛有12次总入球开2球或以下，作客出战定必歎慢板。拉鲁斯早前因要兼顾联赛及南球盃疲态尽露，近5场比赛仅得3和2负，就算主场出击亦冇强攻本钱，加上两军近6次交锋有5次开2球或以下，中位数2.5球细盘捧得过。