摘要：欧国外D组重头戏，爱尔兰主场斗瑞士；两军踢法都係守强攻弱，睇牌面应该会係一场入波唔多嘅比赛，足智彩嘅2.5球入球细赔率仅得1.38倍冇肉食；呢组出线席位如无意外都係呢两队同丹麦之争，既然3队今届赛事都...
欧国外D组重头戏，爱尔兰主场斗瑞士；两军踢法都係守强攻弱，睇牌面应该会係一场入波唔多嘅比赛，足智彩嘅2.5球入球细赔率仅得1.38倍冇肉食；呢组出线席位如无意外都係呢两队同丹麦之争，既然3队今届赛事都未输过，爱尔兰主场受让平半，拣下盘仲抵玩。
爱尔兰目前喺D组4战得10分排榜首，不过佢哋已经两斗同组最弱嘅直布罗陀，嚟紧先係真正考验。爱尔兰锋力唔算强，但只要佢哋专心做防守，对手要入佢哋波亦唔易，连同热身赛在内，佢哋近8场比赛有6场冇失波，摆明防守先係佢哋强项。
近8战6场零失球
瑞士由于要应付欧国联比赛，暂时只係踢咗2场欧国外，结果先后以2比0击败格鲁吉亚及3比3打和丹麦，其中斗丹麦喺领先3比0嘅绝对优势下，竟然喺完场前10分钟内连失3球，痛失2分，可见佢哋后防唔係想像之中咁稳阵，作客让波有暗涌，今场拣爱尔兰下盘更好路。
