英军主场大有保证

哈利仔史达宁勐火

今晚欧国外A组焦点战，英格兰坐镇主场迎战保加利亚。「三狮兵团」头2仗欧国外赢晒狂轰10粒，王牌哈利卡尼及史达宁脚风顺到冇朋友，撞正青黄不接嘅保加利亚，主W热到爆冇肉食，转捧3.5球嘅入球大好过。

以往喺大赛总係「雷声大雨点小」嘅英格兰，近两年喺世盃及欧国联均杀入4强，无论战力及信心均不断提升。查实「三狮兵团」不断有新星涌现，例如阿历山大阿诺特、占士麦迪臣及查顿辛祖等，活力十足，令主帅修夫基有本钱採取具侵略性嘅快速反击，今届头2场欧国外赢晒之馀，更狂轰10粒，前锋哈利卡尼及史达宁就佔咗7粒，佢哋喺今季英超开咧后亦频有士哥，弗到漏油。

炒得起积弱保加利亚

保加利亚虽由巴拉哥夫出任主帅，可惜呢位94年世盃助国家取得殿军嘅名宿，接手时仍处于青黄不接时期，只得喺俄超搵食嘅艾夫连波波夫较具级数，弊在佢独力难支，今届4场欧国外仅得2和2负，包括上轮喺主场以2比3输畀科索沃，坚唔对办。加上英军主场特醒，连同上届在内，「三狮兵团」近6场欧国外主场全部赢晒之馀，更攻入21粒，其中4场开4球或以上，既然主W赔率太热，让球主胜让到两球又略嫌冒险，转捧3.5球嘅入球大仲上算。