红钻放手一搏大起鹿角

日联盃今日上演4场8强次回合，直播戏码鹿岛鹿角主场斗浦和红钻。红钻首回合主场输2比3，为收复失地作客放手一搏；鹿角近6场主场得1场保持清白身，有5次总入球开3球或以上，今场续追中位数2.5球大岩数。

红钻首回合主场虽然输2比3，不过球队喺落后0比3嘅劣势下，连追2球保住出线希望，证明战意十足。未踢首回合之前，红钻近3次斗鹿角取得2胜1和，今仗要收复失地绝非不可能任务，就算作客出战亦会全力抢攻。鹿角上场浪费左领先3比0嘅大好形势，睇到队波后防唔多稳阵，而且佢的近6场主场得1场冇失球，连业馀球队北陆大学都可以入到佢的波，面对志切求胜嘅红钻难以保持不失。睇番鹿角喺上述6场主场每场至少入2球，用强大锋线弥补后防缺失，有机会再同红钻合演入球骚，中位数2.5球大盘捧得过。

冈萨多火勐斗攻三箭

另一场8强次回合大战广岛三箭主场斗北海道札幌冈萨多，三箭首回合又系输2比3，趁主场必争取入波求翻盘；冈萨多近期火力全开，近4场入15球，有本钱以攻代守，今场一样捧大盘。