摘要：德甲「2哥」拜仁慕尼黑今晚同莱比锡同时出师，作客对包紧尾嘅升班球队柏达邦，不过考虑到佢哋3日后要喺欧联作客伦敦火併热刺，今场作客让到两球半、三球有啲风险，预期教练尼高高华会採取速战速决策略，遇上习惯开...
德甲「2哥」拜仁慕尼黑今晚同莱比锡同时出师，作客对包紧尾嘅升班球队柏达邦，不过考虑到佢哋3日后要喺欧联作客伦敦火併热刺，今场作客让到两球半、三球有啲风险，预期教练尼高高华会採取速战速决策略，遇上习惯开波即抢攻嘅急先锋柏达邦，相信上半场已经好多波入，今场推介中位数球半、两球嘅半场大盘。
经过季初慢热后，拜仁近期状态终于到位，近5场正式比赛有4场大炒对手，只有作客赛和莱比锡例外，但该役两雄相遇佢哋表现亦相当出色，拜仁神锋罗拔利云度夫斯基今季5场德甲场场有波入共入9球，强势没法挡，尤其近两轮联赛对莱比锡同科隆，两场波都喺开波3分钟即入波，足见佢对争取入波有几咁飢渴！
柏达邦虽然包尾，但崇尚进攻，教练史堤芬包姆加特赛前扬言，面对拜仁死守一定瓜，今晚会喺全场爆满嘅主场球迷面前同拜仁斗攻，以全取3分为目标。柏达邦今季5场联赛都入得又失得，当中更有4场喺头15分钟内取得入球，绝对係德甲急先锋，今晚摆明想同拜仁斗快入波！
