摘要：欧联E组赛事，衞冕嘅利物浦喺晏菲路主场迎战奥地利班霸「红牛」萨尔斯堡。红军首战落笔打三更，今返主场不容再失；红牛上场虽然大胜亨克6比2，不过对手实力太弱不得作准，单计欧洲赛经验同实力佢哋输红军几条街，...
欧联E组赛事，衞冕嘅利物浦喺晏菲路主场迎战奥地利班霸「红牛」萨尔斯堡。红军首战落笔打三更，今返主场不容再失；红牛上场虽然大胜亨克6比2，不过对手实力太弱不得作准，单计欧洲赛经验同实力佢哋输红军几条街，主队让球半、两球照捧上盘。
晏菲路主场镬气劲
上届冠军利物浦首轮分组赛出师不利，作客意甲劲旅拿玻里完场前连失2球输0比2，不过佢哋主场威力人所共知，唔单止喺今季英超3战全胜入10球、全部淨胜对手2球或以上，而且上届6场欧联主场攞到5胜1和，最经典係4强以4比0大炒巴塞，两回合计总比数反胜4比3，相信对首次打入分组赛嘅萨尔斯堡嚟讲，要应付晏菲路主场气势都几难。
红牛另一隐忧係首场分组赛连中三元嘅19岁新星夏兰特带病在身，呢位名将之后上周末联赛抱恙缺阵，虽然报道指佢可望赶及今场披甲，但状态未必十足，况且红牛上场对住实力最弱嘅亨克都要失两球，后防唔係咩好货色，红军主场赢两粒唔难，让球半、两球上盘捧得过。
