专家拆局：李斯特城当弗追打维拉

今晚英格兰联赛盃4强首回合，李斯特城主场迎战阿士东维拉。维拉上圈能晋级，只因利物浦派青年军出战，依家护级大过天，冇力兼顾盃赛，「狐狸」3连胜走出谷底，有望乘胜追击，让1/1.5球照捧上盘。

今季重返英超嘅维拉，在英联盃顺风顺水，一来只係撞正克鲁、白礼顿等弱旅，二来有运，上圈抽中对英超榜首利物浦，又咁啱嗰个礼拜佢哋要远赴卡塔尔出战世冠盃，撞晒期之下，惟有一队去打世冠盃，留番青年军踢英联盃，维拉梗係唔同你客气喇，最终大胜5比0晋级。不过好运嘅嘢总有尽头，维拉啱啱先喺英足盃畀英冠仔富咸踢出局，都几影响士气，而且喺联赛仍徘徊下游，仍需为护级抢分，盃赛重要性较低，今仗随时留力。

近10仗主场获8胜

另一边厢，李斯特城虽有射手占美华迪因伤倦勤，但捱过早前4场不胜困局后，状态复甦，近3仗取得全胜，一众生牯仔如艾约斯佩雷斯、占士麦迪臣及哈维班尼斯非常抢缰，老实讲争联赛机会渺茫，反而杀入英联盃决赛只差一步，今仗仲先有地利，老虎蟹都搏埋佢。加上「狐狸」近10仗主场出击，豪取8胜1和仅1负，主场威力不容忽视，就算让1/1.5球都冇有怕，上盘有计。