摘要：英格兰足总盃今晚举行多场第3圈重赛，其中热刺会喺主场再斗英冠米杜士堡。热刺主场踢英足盃专恰非英超球队，南韩国脚孙兴民更係「弱旅杀手」，就算今场冇哈利卡尼亦冇有怕，热刺让1.5/2球，照捧上盘。热刺射手...
英格兰足总盃今晚举行多场第3圈重赛，其中热刺会喺主场再斗英冠米杜士堡。热刺主场踢英足盃专恰非英超球队，南韩国脚孙兴民更係「弱旅杀手」，就算今场冇哈利卡尼亦冇有怕，热刺让1.5/2球，照捧上盘。
热刺射手哈利卡尼养伤长抖，据报球会有意向意甲拿玻里借用旧将洛兰迪回巢做替补，不过「远水不能救近火」，热刺暂时仍要以现有人脚打天下，好彩热刺近年喺主场踢英足盃特别醒神，对上6场全胜之馀，仲有5次淨胜2球或以上，当中孙兴民个人攻入8球，包括攻破韦甘比、米禾尔及罗奇代尔等非英超球队，今次随时又成赢波英雄。
米杜士堡作客脚软
热刺已经连续4场比赛未赢过，急需一场漂亮胜仗振奋军心；由热刺旧将活基治领军嘅米堡上次主场都爆冷不成，以佢哋今季各项赛事13场作客2胜5和6负表现，今次想创奇迹更唔容易，热刺让1.5/2球捧上盘。
