摘要：法甲今晚进行3场补赛，重头戏有摩纳哥主场斗巴黎圣日耳门（PSG）。两军3日前喺联赛激战打和3比3，PSG锋力保持一贯强劲唔使多讲，对啱啱换帅嘅摩纳哥嚟讲亦打下一支强心针，今次返主场势必继续抢攻，中位数...
法甲今晚进行3场补赛，重头戏有摩纳哥主场斗巴黎圣日耳门（PSG）。两军3日前喺联赛激战打和3比3，PSG锋力保持一贯强劲唔使多讲，对啱啱换帅嘅摩纳哥嚟讲亦打下一支强心针，今次返主场势必继续抢攻，中位数有3.5球首选入球大。
摩兰奴主攻唔会缩
PSG今季由国际米兰借用阿根廷前锋莫路伊卡迪，取代年事已高嘅乌拉圭射手卡云尼，前线无论活力、效率比过去几季都有过之而无不及；连同歇冬前比赛，PSG近8场加埋攻入35球，每场都能轰入对手3球或以上，依家佢哋喺联赛榜只比2哥马赛多5分，要力争3连霸唔可以放软手脚，作客一样要抢攻。
摩纳哥歇冬期间辞退主帅查甸，由前西班牙国家队教头罗拔图摩兰奴接手，喺佢在任期间，「狂牛」10场欧国外未输过，轰入31球仅失5球，踢法崇尚进攻，而且摩兰奴带领摩纳哥踢咗2场比赛取得1胜1和，上场能够打和班霸PSG，相信会令球员信心更上一层楼，今仗有主场之利，料会踢得更加进取，3.5球大盘值得支持。
