专家拆局：法足盃波城摆铁桶做细界

周五凌晨法国足总盃独脚戏，丙组仔FC波城主场挑战波尔多，阿King度咗条过关帮大家搵餐饭。波尔多今季法甲冇料到，惟有喺法足盃争取好成绩，可惜球队攻力唔标青，要破FC波城嘅铁桶阵唔容易，呢场睇嚟会係场闷波，捧中位数2.5球入球细好过。

由保罗苏沙领军嘅波尔多，今季法甲虽然未遇上降班危机，但要争欧洲赛资格难度颇大，加上球队喺法联盃已出局，法足盃自然成为今季唯一捧盃机会。可惜波尔多被疲弱攻力所拖累，近6仗仅1胜，其中只攻入4球，4次开2球或以下，战力不值得高估。FC波城虽然身处丙组，不过今季主场只输过1场，表现非常硬淨，有力冲击升班法乙席位，实力有番咁上下，呢场未至于会畀波尔多大炒，中位数2.5球入球细好路。

基罗纳射手炮火猛抢Ｗ

另外推介两场西乙，先讲拉科鲁尼亚主场对桑坦德上演护级6分波，拉科西班牙盃被淘汰后可专心护级，球队近5仗4次开2球或以下，对住把握力同样欠奉嘅桑坦德，相信会出现拉锯战，入波唔慌多，一于吼细盘。至于基罗纳主场对埃斯特马度拉，基罗纳头号射手史杜安尼至今已轰入16球，高踞西乙射手榜榜首，今仗有力带领球队取Ｗ，一于热捧主胜。