专家拆局：曼城猛火速擒锡菲联

周三凌晨另一场英超重头戏，今季奇兵锡菲联主场迎战「2哥」曼城。曼城虽被榜首利物浦甩开，但火力之强仍冠绝英超，而且佢哋作客出击例必抢缰，今场客W太热冇肉食，转捧半场客胜。

曼城上场被水晶宫逼和2比2再失2分，目前已被利物浦抛离16分兼且打多1场，争取联赛3连冠机会非常淼茫。曼城今季最大问题係防线，前线表现绝对冇走样，球队今季23场联赛攻入64球，不但冠绝全英超，而且比榜首利物浦入多12球，火力相当惊人。射手阿古路继早前联赛对阿士东维拉连中三元，以177球超越亨利成为英超外援士哥王，上场对水晶宫亦係靠佢个人入2球，一度反先对手，加上马列斯及奇云迪布尼近期亦有好表现，得分点够多，令对手防不胜防。

近5作客半场全领先

新升班嘅锡菲联凭坚固防守今季稳步上扬，现排联赛榜第7位已超乎预期，不过佢哋遇强即屈，除咗联赛两负利物浦，首循环斗曼城、李斯特城都输波，遇着刚刚失分嘅曼城未必顶得住对手。考虑到曼城今场客W太热，以佢哋后防表现让一球、球半上盘又有风险，既然曼城近5场作客全部都能够半场领先对手，加埋入咗12球，锡菲联上场对Big6之一嘅阿仙奴都係半场已落后，今场转捧半场客胜更佳。