摘要：今日大年初一，波童先祝大家身体健康，波运亨通！鼠年第一击波童拣咗澳职尾场墨尔本城主场斗珀斯光辉做重心，两军现时喺积分榜上差距唔大，不过讲防守墨城远远唔及光辉硬淨，加上光辉近年造访墨城经常有好表现，光辉...
今日大年初一，波童先祝大家身体健康，波运亨通！鼠年第一击波童拣咗澳职尾场墨尔本城主场斗珀斯光辉做重心，两军现时喺积分榜上差距唔大，不过讲防守墨城远远唔及光辉硬淨，加上光辉近年造访墨城经常有好表现，光辉受让平半捧下盘。
联赛「2哥」墨尔本城现领先第3嘅珀斯光辉2分，实力半斤八両，不过墨城今季14场联赛失咗22球，比全澳职失波最少嘅光辉多失10球。墨城今季联赛只有3场冇失波，当中2场对手係现排包尾嘅纽卡素喷射机，遇强队好难唔失波。
无错墨城射手占美麦卡伦今季攻入13个联赛入球，大熟大勇，但光辉射手科拿路利亦连续4场有士哥狂轰5粒，既然两队射手都咁弗，后防更成胜负关键。光辉近7次作客墨城仲攞到4胜3和，包括首循环作客大炒3蛋，再访福地可延续不败走势，受让平半下盘抵玩。
狮吼够恶气食住水手
至于早场中岸水手主场斗布里斯班狮吼，狮吼近4场联赛2胜2和，加上近6次作客水手有5胜1和优势，平手盘捧狮吼啱数。
