摘要：遇次级球队唔留手今晚英格兰足总盃第4圈赛事，衞冕嘅曼城主场迎战英冠「3哥」富咸。「蓝月亮」每逢英足盃主场出击例必抢攻，尤其面对非英超球队更加唔会留手；富咸实力虽次一皮但同样嗜攻，锋力有返咁上下，今场预...
遇次级球队唔留手
今晚英格兰足总盃第4圈赛事，衞冕嘅曼城主场迎战英冠「3哥」富咸。「蓝月亮」每逢英足盃主场出击例必抢攻，尤其面对非英超球队更加唔会留手；富咸实力虽次一皮但同样嗜攻，锋力有返咁上下，今场预料会上演入球骚，中位数3.5球入球大值得捧场。
曼城喺联赛畀利物浦大幅抛离，争取3连霸嘅机会已相当淼茫，除咗力争梦寐以求嘅欧联外，冧庄英足盃及英联盃，相信会係领队哥迪奥拿今季馀下主要目标，战意毋庸置疑。「蓝月亮」喺英足盃虽会进行有限度轮换，但身为豪门板櫈深度有番咁上下，就算出副选都够杀，近6场英足盃主场全胜之馀，更狂轰26球，以进攻火力弥补后防不过，当中5场总入球就开5球或以上。
事实上，曼城面对非英超球队经常大炒过关，包括上届大胜洛达咸7比0同今届赢维尔港4比1，阿古路周中快车对锡菲联后备上阵绝杀得手，体力消耗唔算多，今场甚有机会正选登场，另一位前锋加比尔捷西斯上场12码宴客，今场如果落场必定搏尽为自己正名，加埋优质小将菲尔科顿，曼城嘅入波能力唔使怀疑，佢哋近5仗4次总入球达4球或以上，今晚有力再演入球骚。
富咸阿历山大米祖域弗爆
富咸上季降落英冠后，今季保留唔少前英超勐将，包括塞尔维亚国脚阿历山大米祖域，此子今季联赛暂时射入18球，喺英冠雄踞射手榜首席，带领富咸目前喺英冠位列第3，实力都唔讲得笑，曼城防线料会受到一定压力，既然主Ｗ得1.04倍太热冇乜肉食，转捧中位数3.5球入球大，过番个肥年就最好不过。
