专家拆局：莱比锡主场慕必交代

赛前去剪髮骚输波捱轰

德甲1哥RB莱比锡主场迎战3哥慕逊加柏，莱比锡上轮作客淨吞法兰克福两蛋，榜首优势只剩1分，赛后被高层同教练围插，今晚重返主场必力求反弹，面对实力绝对唔弱嘅慕逊加柏，莱比锡都要让足1球咁辣，黑柴坚信係信心飞，一于追捧莱比锡上盘。

上轮係莱比锡3个月来首场败仗，少帅拿高斯文赛后喺更衣室发火，认为大部分球员投入同集中度都不足，到咗翌日就轮到球队前教练、现任莱比锡赞助商红牛集团嘅体育发展总监兰历克出嚟闹，原来莱比锡作客法兰克福前1日，嚟自英国嘅5星级髮型大师Sheldon Edwards啱啱到访法兰克福开骚，莱比锡战将都慕名参加，共有9名球员即场接受剪髮。虽然比赛前剪个头髮唔係罪，但佢哋出席呢个骚表现太高调，剪完仲集体将出骚嘅相片摆上IG同社交网，兰历克话喺赛前一日做呢啲嘢绝对唔专业，何况佢哋喺比赛的确踢得差，要求佢哋尽快以行动作出回应。

莱比锡畀人省完，返主场一定要做嘢，好消息係德国国脚后衞高路斯达文伤愈复出，而歇冬期用咗2,000万欧元买入嘅西班牙进攻中场奥尔莫亦准备就绪，今晚会喺后备席上候命。

慕逊加柏歇冬后走样

慕逊加柏亦係上半季表现最好球队之一，但整体实力、兵源同球员年龄结构都唔及莱比锡，首循环主场交锋都要输1比3，歇冬后状态亦走样，首仗作客吞史浩克两蛋，上轮主场对弱旅缅恩斯赢3比1，但无论攻守都欠流輰，只係赢在对手弱同有运。佢哋近4场作客嘅联赛合共只攞得1分，加埋亦只入过1球，今晚面对志切交代嘅莱比锡凶多吉少。