摘要：新兵太劲争位激烈德国盃8场16强赛事安排今明两天上演，首日重头戏係转会巿场大赢家多蒙特，作客韦沙球场扑击德甲尾3嘅云达不来梅。多蒙特歇冬期增援工作做到冇得更好，挪威超新星艾宁夏兰特只花半个月时间已经征...
新兵太劲争位激烈
德国盃8场16强赛事安排今明两天上演，首日重头戏係转会巿场大赢家多蒙特，作客韦沙球场扑击德甲尾3嘅云达不来梅。多蒙特歇冬期增援工作做到冇得更好，挪威超新星艾宁夏兰特只花半个月时间已经征服整个欧洲，今场仲有另一新援安利简恩准备首度亮相，搞到原有球员个个抢缰，争位踢情况空前激烈，今仗就算略作轮换都无损争胜决心，让得起志在护级无力分心盃赛嘅不来梅。多蒙特让一球，黑柴撑上盘。
多蒙特歇冬后3战全胜之馀，仲每仗都攻入5球，夏兰特喺113分钟内攻入7球当然夸张，但另一超新星查顿辛祖亦愈战愈勇，今季德甲上阵18场交出12个入球同13次助攻，製造入球能力喺5大联赛排第1，多蒙特多得佢哋嘅超凡贡献，但同时亦对原有球员构成巨大压力，上周末主场大炒柏林联5蛋嘅赛事，教练法夫尔喺大局已定下，下半场先后换走皇马借将阿舒拉夫同队长马高列奥斯，两人离场时都非常不满，阿舒拉夫狂踢水樽，列奥斯亦大力将护腕布带摔落场边草地洩愤，可见佢哋对自己嘅表现唔满意之馀，对未能踢更多时间亦极度失望，佢两个今仗都会担正，肯定会将呢股愤怒转化为动力。
不来梅料留力护级战
多蒙特主帅法夫尔会喺今仗作出轮换，杜根夏萨特、尼高舒侯斯同小将萨加度呢啲边缘球员料会担正，焦点人物夏兰特会返后备席候命，不过以佢嘅入球效率，就算只係踢30分钟都足以带嚟关键胜利。
不来梅今季攻守都差，会方坚决支持少帅高菲特，认为问题唔喺佢度，可见球员质素所限好难搞，歇冬期虽然借得中坚奇云禾治同前锋戴菲沙尔基帮手，但以近两仗表现所见佢哋要护级都非常艰辛，嚟紧星期日主场对柏林联嘅护级战更为重要，今仗若然战况不利，随时留番气力下仗好过。
