专家拆局：C朗千场攞彩祖记让主稳

今晚意甲有场强弱悬殊之战，「1哥」祖云达斯作客包尾大幡史帕尔。弗到爆嘅祖记王牌C朗，踏入千场里程碑嘅大日子，撞正冇得救嘅史帕尔，葡萄牙队长仲唔攞彩赠兴咩，直取让球客胜。

乘住国际米兰上轮输波兼跌落第3，令祖记得以重登榜首，但佢哋只领先「2哥」拉素1分，就算周中有欧联16强首回合对里昂嘅后顾，亦不能鬆懈。祖记上轮轻取布雷西亚两粒，王牌C朗意外获准休息，变相让呢位老将可抖到够，应付今仗及欧联赛事，如果佢今仗上阵，更係职业生涯第1,000场比赛，呢类咁有意义嘅场合，C朗一定唔会脚软，睇番佢今季意甲已有20球进帐，包括之前连续10场联赛有士哥，愈老愈坚。

史帕尔近11仗输9场

相反，包尾嘅史帕尔愈踢愈沉，近11场联赛输咗9场，包括迪比亚治奥上仗新官上任，于护级「6分波」作客以1比2输畀莱切，就算单计主场，更录得4连败，真係低处未算低。老实讲，迪帅执教意大利U21已经负评如潮，嚟到人脚有限嘅史帕尔，唔好期望太高，宁捧祖记大胜一场，为欧联作客里昂前壮行色。