摘要：巴拉圭硬淨顶得住阿根廷周二早上喺巴西举行嘅美洲盃，上演两场A组赛事，其中尾场阿根廷对巴拉圭，阿根廷上轮虽然赢波，但进攻不足问题未见改善，何况近年对住巴拉圭冇乜甜头，宁捧让球客胜。阿根廷喺A组头两场取得...
巴拉圭硬淨顶得住阿根廷
周二早上喺巴西举行嘅美洲盃，上演两场A组赛事，其中尾场阿根廷对巴拉圭，阿根廷上轮虽然赢波，但进攻不足问题未见改善，何况近年对住巴拉圭冇乜甜头，宁捧让球客胜。
阿根廷喺A组头两场取得1胜1和，每场都只入1粒，仲要係美斯入1粒兼1次助攻，反映其他队友对佢支援不足，对手亦容易作针对性防范。巴拉圭喺A组首仗反胜玻利维亚3比1，各项赛事近10仗只曾1败，仲要係不敌劲旅巴西，非常硬淨，加上近4次对阿根廷，巴拉圭获1胜3和未输过，包括上年11月世盃外打和1比1，受让值得捧场。
乌拉圭态沉「细」抗智利
较早时间开波嘅乌拉圭对智利，乌拉圭状态低迷，近4仗不胜兼零入球，包括分组赛首轮以0比1不敌阿根廷，老将苏亚雷斯同卡云尼明显攰爆；智利头两轮取得1胜1和，不过王牌阿历斯山齐士因伤缺席馀下嘅分组赛，预计今仗唔慌多波入，捧2.5球嘅入球细好过。
