推荐预测：瑞士土耳其焗攻吼大盘

瑞士土耳其焗攻吼大盘

欧国盃A组瑞士对土耳其，今场喺中立场阿塞拜疆举行，土耳其2战2败，今场再赢唔到，就一定出局。瑞士仅得1分，今仗亦非胜不可，若然打和，等于揽炒一齐出局，相信双方都会豁出去斗攻。两军近5次对赛有4次总入球係3球或以上，可博中位数2.5球嘅入球大。

土耳其前线人脚唔曳

瑞士首场分组赛对威尔斯表现唔错，最后被对手逼和1比1，的确有啲唔抵。至于上场对意大利，佢哋亦有一段时间积极抢攻，但失第2球之后洩气致最终惨吞3蛋。瑞士今场背水一战，加上对手係包尾嘅土耳其，必然会全力抢攻，只要赢波，就算未能取得小组第2位，都有机会以其中1支小组最佳第3名球队出线。

至于土耳其2场分组赛失5球兼冇波入，的确令人失望，但嚟到最后1场分组赛，无论为争出线或为挽回面子，都应会採取主攻踢法，希望赢番1场，最起码都要破蛋，以免成为「三零球队」咁羞家。

其实土耳其中前场人脚唔错，包括有效力AC米兰嘅中场查汉奴古、里尔射手布拉卡尔马斯，入波机会仍然乐观。特别係对手瑞士都要焗攻，相信土耳其中前场球员会有唔少射门空间，有利製造大比数赛果。