摘要：死亡之组突围1分不能少德国法国细不两立欧国盃F组周三凌晨爆发强强对碰，德国将会坐镇主场，与法国重演上届4强戏码。德国前线人脚配置一般，尤其缺乏高产射手压阵，对住后防表现稳健嘅「高卢鸡」随时冇运行。至于...
死亡之组突围1分不能少 德国法国细不两立
欧国盃F组周三凌晨爆发强强对碰，德国将会坐镇主场，与法国重演上届4强戏码。德国前线人脚配置一般，尤其缺乏高产射手压阵，对住后防表现稳健嘅「高卢鸡」随时冇运行。至于法国赛前有射手宾施马受伤，今场上阵成疑，睇番两军近年交手入波唔算多，一于吼实中位数2.5球入球细。
主教练勒夫作为「德意志战车」掌舵人近15年之后，将会喺今届大赛后退位，球队肯定希望能用佳绩，送别呢位国家队史上在位时间最长嘅功勳教头。德国今届喺「死亡F组」要面对法国同衞冕之师葡萄牙，可以话係场场硬仗，要争出线冇得行差踏错。球队中场阵容大熟大勇，却奥斯、根度简及甘美治攻守兼备，有能力与任何一队对手周旋，不过迪姆华拿、夏维斯及汤马士梅拿三位前锋虽然名气响噹噹，但睇番数据其实入球效率麻麻，今场想喺密集嘅法国后防抢到甜头，边有咁容易？德国队嘅入球能力实在不宜高估。
高手过招旺细盘
作客嘅「高卢鸡」法国保留大部分2018年世盃冠军阵容，包括弗爆嘅主将尼高路简迪、基沙文同「新世代球王」基利安麦巴比等，而且仲有今季喺皇家马德里表现出色嘅宾施马重返大军，不过呢位老将啱啱喺热身赛勇战受伤，无奈退下火线，就算今场赶及复出，状态都难有保证。法国向来踢法偏向保守，防线极之稳健，佢哋同德国近6次交手，有4次总入球开出2球或以下，包括上届4强法国以2比0击败德国，预料呢场战况会继续胶着，中位数2.5球入球细值得留意。
