摘要：水手稳阵波半和有机今日下昼澳职上演「F3公路打吡」，中岸水手主场对纽卡素喷射机。中岸水手今季一度雄霸榜首，但季尾跌Watt，依家最重要係保住3哥位置，虽然水手攻不锐，好彩仲叫做守得住，相信纽卡素喷射机...
水手稳阵波半和有机
今日下昼澳职上演「F3公路打吡」，中岸水手主场对纽卡素喷射机。中岸水手今季一度雄霸榜首，但季尾跌Watt，依家最重要係保住3哥位置，虽然水手攻不锐，好彩仲叫做守得住，相信纽卡素喷射机亦未必可以入到佢哋波，水手近4场有3次开半场和，值得追多一口。
水手同喷射机一队係联赛3哥，一队係包尾，但「F3公路打吡」一向都好紧凑，近6次交手2次打和，其馀4场都係1球距离定输赢，水手稍一不慎就会失分，影响季后赛部署。水手目标係保住联赛第3位置，希望喺季后赛拎到较佳赛程同主场优势。
近4场全开半和
不过水手近期状态飘忽，近6场联赛只有2胜2和2负成绩，最大问题係入球能力不足，射手乌连拿已连续4场食白果。好彩水手防守力都唔差，对上4场比赛只失过2球，而呢4场亦全部开出半场和，当中3仗半场打成0比0。
纽卡素喷射机排包尾，比多踢2场嘅墨尔本胜利少4分，唔想垫底就要努力抢分，可惜佢吔入球能力不济，只识死守，遇着进攻死火嘅水手，半场打和机会极高。
