摘要：萨斯索罗受让趁祖捧今晚意甲继续加开快车，其中萨斯索罗主场迎战祖云达斯。祖记虽然要力争下届欧联入场券，但近况实在太差，客场更频频甩辘，造访近6仗未输过嘅萨斯索罗，唔係话想赢就赢到，仲要让波，梗係转捧让球...
萨斯索罗受让趁祖捧
今晚意甲继续加开快车，其中萨斯索罗主场迎战祖云达斯。祖记虽然要力争下届欧联入场券，但近况实在太差，客场更频频甩辘，造访近6仗未输过嘅萨斯索罗，唔係话想赢就赢到，仲要让波，梗係转捧让球主胜。
之前连续9季称霸意甲嘅祖记，今季大跌Watt，唔单只衞冕失败，依家更跌落第5位，连下届欧联入场券都未必攞到，尤其係上仗主场对AC米兰惨败0比3，派路更成为球队史上首位单季意甲两次主场吞3蛋嘅主帅，C朗更全场都冇一脚中龙埋门。虽然高层尼维特表明派路同C朗都唔会离队，但由于佢哋未退出欧超联，随时畀欧洲足协同意大利足总抵制，面对内忧外患。
相反，萨斯索罗走势稳步上扬，近6仗联赛取得5胜1和未输过，包括击败劲旅AC同打和阿特兰大，证明佢哋唔赦强队。射手杜文尼高贝拉迪喺呢6仗轰5粒，今季已累积16球进帐，今仗仲有右闸马隆山度士刑满复出，阵容整齐晒。加上祖记近7仗作客联赛，赢得2场咁大把，宁买当头起，萨斯索罗受让值得捧场。
