推荐预测：水晶宫等收咧细盘好路

水晶宫等收咧细盘好路

睇完曼联未眼瞓，想捞埋英超汁，可以睇埋场修咸顿对水晶宫。修咸顿数近况飘忽，尤其射手丹尼艾格斯受伤缺阵影响甚大，今场遇着季尾例牌放软手脚嘅水晶宫，预计双方都唔急于进攻，加上两军近5次交手全开2球或以下，中位数2.5球入球细好路。

修咸顿走势飘忽

修咸顿季初曾经一鸣惊人，于第6周曾一度历史性升上榜首，可惜球队之后惨受伤患困扰，排名节节下滑，射手丹尼艾格斯旧年11月重创之后，虽然曾经复出，但旧患严重，踢咗冇几场好波之后又伤，修咸顿下半季喺下游挣扎。上输作客0比2不敌利物浦，连盃赛近5战只得1和4负，只入过两球，当中3场食白果。

水晶宫联赛3连败后，上轮作客锡菲联轻取2比0成功止跌，佢哋踢法「无宝不落」，季内出访下游分子锡菲联、白礼顿同纽卡素，都能够全取3分，不过水晶宫已经有41分，越过传统40分「护级安全线」，预计馀下赛事都唔会搏命。既然一队冇前锋，一队冇斗心，加上双方近5次交手，总入球都少过3球，2.5球细有买趁手。