推荐预测：西布朗护级半和抗狼队

西布朗护级半和抗狼队

至于英超早场西布朗对狼队，西布朗要抢分护级，当然会搏命，但係狼队上场大败畀般尼后，管理层震怒，要求球员馀下赛季唔准以「得过且过」心态应战，相信会踢番好啲，佢哋作客踢法相对稳阵，近7场联赛作客5次开半场和，再追。

狼队为「钱」途唔敢hea

未计周日成绩，尾2嘅西布朗同尾4嘅纽卡素相差11分，馀下5场联赛，场场都会搏，不过球队实力始终有限，上场中部打吡，补时畀阿士东维拉追和2比2，可见佢哋后防集中力真係差啲，相信领队艾拿戴斯都要求球员队唔好轻举妄动。

狼队上仗主场大败畀般尼0比4，管理层事后向球员「开波」，斥责佢哋踢到好似已经放假咁。狼队现时排第12，表面上高不成低不就，但其实佢哋同下边几队只係3、4分之差，要知道英超每高一个排名，季尾奖金相差大约200万镑（约2,160万港元），如果排名继续跌，呢几百万镑奖金，喺疫情之下，算係好大笔收入，所以管理层咁紧张。好彩狼队作客踢法够稳阵，近7场联赛作客只输过2场，当中5次开半场和，预计今场都会以慢打快，再追半场和啱数。