推荐预测：李城锋锐大有睇头

李城锋锐大有睇头

水晶宫唔怕驳火

周二凌晨英超独脚戏，李斯特城主场迎战水晶宫。李城争前4一分都不能少，不过水晶宫表现神经刀，冇压力下经常有意外惊喜，就算作客都唔可以睇低；李城对上4次喺王权球场迎战水晶宫全开3球或以上，今场捧2.5球大更划算。

李斯特城上场主场3比0大炒西布朗，目前以32战得59分排第3位，只比第5位嘅韦斯咸多4分，前4位置未算稳阵，想确保下届欧联参赛资格，嚟紧仍要积极抢分。尼日利亚射手伊恩拿祖近况弗到震，近8场狂轰11球，占美华迪上场亦打破超过一个月嘅个人入球荒，重拾射门鞋，水晶宫后防对住呢两支大炮，睇怕难以抵挡。

狐狸近4次主场对水晶宫全开大

水晶宫依家喺联赛榜排第13位，基本上不愁降班，不过咁唔代表佢哋冇还击之力，事关呢班波向来愈强遇强，经常对劲旅喺冇压力之下踢出超水准。睇番水晶宫近8次联赛斗「狐狸」，一共取得4胜2和2负，表现仲好过对手，其中4次作客总入球全开3球或以上，而且佢哋有接近两星期备战今仗，单讲体力比上周五凌晨对完西布朗嘅李斯特城更有优势，作客大有本钱同主队斗攻，捧中位数2.5球大最稳阵。