推荐预测：曼热争霸吼半和

曼热争霸吼半和

决赛场合必踢稳阵波

英格兰联赛盃决赛周日晚爆发！曼城同热刺今晚会喺伦敦嘅温布莱球场交锋，争夺英格兰联赛盃宝座。被睇高一线嘅曼城季尾连场征战，开始出现疲态，至于热刺啱啱经历换帅动盪，射手哈利卡尼亦因伤上阵成疑，决赛场合难免会步步为营，以稳阵波为先，今场首选「半场和」。

曼城如果成功衞冕英联盃，就会成为继1981至1984年嘅利物浦之后，另一支能够连夺4届冠军嘅球队，战意毋庸置疑，不过曼城踏入4月后兼顾4条战线，以致近期表现开始反覆，继联赛主场1比2输畀列斯联，上周英足盃4强对车路士又以0比1落败，4冠梦碎，今场决定当然会特别谨慎。

「蓝月亮」为保留体力，近期唔少比赛都「歎慢板」，近7场比赛有5场喺头45分钟交白卷，而且近4场英联盃有3次开半场和，包括对上两圈淘汰阿仙奴同曼联，证明曼城踢盃赛硬仗都係先求稳阵，何况中场大脑奇云迪布尼受伤，对球队进攻都係一大打击。

「哈神」有伤热刺缩住踢

热刺原本拥有4夺英联盃嘅主帅摩连奴领军，有利打破球会13年嘅锦标荒，不过球队日前突然辞退摩连奴，改由青年军教头赖恩美臣执教至季尾，呢位29岁少帅周中首次领军即2比1砌低修咸顿，但今次嚟到决赛场合，对手仲要係班霸曼城，缺乏领军经验嘅赖恩美臣肯定唔会轻率进攻。热刺王牌前锋哈利卡尼近期足踝受伤，消息指佢今场上阵成疑，如果扎住踢，热刺就更加唔会一开波就抢到尽，预计上半场都係试探为主，半场和好路。