推荐预测：喷射机迎西部联细均力敌

喷射机迎西部联细均力敌

今日澳职上演双料娱乐，头场纽卡素喷射机主场斗西部联。喷射机近况低迷，近5场联赛输晒，主场出击亦咪高估；对面嘅西部联今季亦略嫌飘忽，既然双方近3次对赛总入球都係2球或以下，首选中位数2.5嘅入球细。

纽卡素喷射机早前有过起色，但只係过咗1个月时间又打回原形，联赛5连败，加上今季6场联赛主场亦输咗5场，今场难以喺西部联身上搵到甜头。西部联近5场获得2胜3负，表现同样唔突出，佢哋太过依赖贝利沙争取入球，一旦呢位35岁老将失准，攻力就大打折扣。况且西部联今季5场联赛作客输4场，始终畀唔到人信心。翻查双方近3次交锋纪录，合共只出现2个入球，当中纽卡素喷射机有两次小胜1比0，另外一次打和0比0，今场捧入球细比较划算。

撑墨城反弹擒凤凰

尾场威灵顿凤凰喺中立场火併墨尔本城，墨尔本城早前一度取得6连胜，虽然上场作客1比2不敌西部联，长胜走势断缆，不过整体状态仍佳，有力重回正轨；凤凰近期唔多掂，近4战只曾赢过榜尾墨尔本胜利，今仗恶唔出样，客Ｗ走唔甩。