摘要：恶客曼联反咬AC战神回归未惊过!欧霸16强次回合焦点大战，AC米兰主场再战曼联。「红魔鬼」曼联首回合畀AC攞到1个作客入球，今场冇得谂一定要主动进攻，好彩佢哋喺欧霸作客表现进取，最近12场欧霸作客只得...
恶客曼联反咬AC
战神回归未惊过!
欧霸16强次回合焦点大战，AC米兰主场再战曼联。「红魔鬼」曼联首回合畀AC攞到1个作客入球，今场冇得谂一定要主动进攻，好彩佢哋喺欧霸作客表现进取，最近12场欧霸作客只得1场入唔到波，而且呢支英超劲旅近12场作客不败，有力反客为主。AC米兰冇咗伊巴谦莫域唔掂，近4场喺圣西路主场不胜，今场信曼联可以赢波晋级，曼联让平半嘅上盘值得支持。
先讲吓赛前消息，相比起首回合，两军嘅阵容相对完整，AC米兰中场查汉奴古、翼衞迪奥靴南迪斯及前锋列比锡都伤愈，至于「战神」伊巴谦莫域就已经恢复操练，不过各地传媒对佢今场能否复出众说纷纭，但大部分都指佢极其量只能后备上阵。要知道今季「红黑兵团」复甦，更一度高踞意甲榜首，有九成功劳都係靠呢名39岁瑞典神锋，佢今季意甲上阵14场入14球，仲醒过班后生仔，可以大胆讲一句「没有伊巴、AC甚麽也不是」。
卡云尼普巴或复出？
曼联方面，「福仔」拉舒福特已经喺上仗赢韦斯咸嘅联赛复出，另一位前锋安东尼马迪尔亦冇大碍，至于老将卡云尼、中场球星保罗普巴及云迪碧克亦会睇埋最后一课情况，先至决定上阵可能性，预计有机会放喺后备席候命，令「红魔鬼」阵容算得上完整。
首回合双方打成1比1，形势上「红黑兵团」有1个作客入球，今场守和0比0都可以出线，相对可以踢得保守啲。但事实上AC米兰近4场喺圣西路嘅赛事都赢唔到，因此主场都冇乜优势可言，相反曼联今季作客表现超卓，盃赛连联赛近12场作客不败。「红魔鬼」喺欧霸作客亦踢得进取，近12场欧霸作客只有1场入唔到波，即使今场要採取主动亦冇有怕，葡萄牙中场般奴费南迪斯可传可射，呢种技术型中场对住意甲球队最啱用，预计曼联今场有力反客为主，撑曼联上盘。
