推荐预测：曼城半场细修数

曼城半场细修数

多线作战要识留放

力争做4冠王嘅曼城，今晚联赛主场斗修咸顿。「蓝月亮」4线作战，球队留放好重要，呢点领队哥迪奥拿做得好好，球员不停轮换之馀，主场仍可以全面控制战局，通常上半场唔会急攻，近9场联赛主场就有8次开1球或以下，今场继续追1.5球半场细。

啱啱喺「曼市打吡」长胜断缆嘅曼城，抖咗3日匆匆再战。其实曼城本周欧联轮空，原本可以抖抖，但由于佢哋杀入英联盃决赛，4月25日同热刺争标，英超赛会就趁这个空档，安排该轮英超提早喺今晚踢。

受到疫情影响，今季英超要延迟开咧之馀又要提早结束，本土赛程已经够晒密，曼城等劲旅仲要兼顾欧洲赛，一周双赛已经惯晒。睇番曼城喺2月嘅赛程，24日内要应付8场，因此「蓝月亮」亦调节踢法，变成留前斗后，上半场唔会太过嘥力，近9场联赛主场8次开1球或以下，事实上曼城打吡战虽然输波，但喺英超仍然有极大优势，留力都冇乜所谓。

修咸顿信心回升

修咸顿上周六作客2比0击败锡菲联，结束联赛4场不胜走势，信心回升，而且球队近3次对曼城获1胜2负，输嗰两场只係1球差距，唔係完全捱打，呢3场全部半场总入球均少于2球，今场对曼城预料亦以稳守为原则，半场入波唔慌多，捧半场细。