推荐预测：大邱抢头彩打爆水原

大邱抢头彩打爆水原

FC大邱后衞 郑泰旭

韩职开锣日另一场大战，有上季演出令人刮目相看嘅FC大邱，主场迎战新升班嘅FC水原。大邱上季演出超乎预期，最后喺争标组排第5，并且因尚州尚武未能参赛而取得亚冠盃资格。大邱今季保留骨干球员，实力仍然强横，今季第1击面对升班后全面重组嘅FC水原，无论实力同经验都胜一筹，主胜值博。

FC大邱今季虽然有唔少变动，包括传奇前锋丹恩奴域来港加盟杰志，但巴西前锋施仙夏费兰度、中场郑承原及后防郑泰旭等骨干球员仍然在阵，相信佢哋上季建立嘅战术及团队默契仍能维持。FC大邱最大隐忧係要以有限兵源应付联赛及亚冠盃战线，因此喺亚冠盃展开前，FC大邱喺季初必全力抢分，开锣第1击志在必得。

FC水原星散大执位

FC水原上季以K2亚军身份，透过附加赛升班，球会史上第2次征战韩职联赛。不过FC水原升班后未有保留升班功臣，上季喺K2上阵时间最多嘅7名球员，当中有5人离队，最大打击当然係K2最佳球员安柄俊，呢位北韩球星上季攻入20球，包括喺升班附加赛攻入致胜球，依家佢转投釜山偶像，对FC水原影响相当大。虽然球队亦引入唔少战将补充实力，但由于全面重建兼缺乏韩职作战经验下，开季成绩仍难乐观。