推荐预测：麦克阿瑟主Ｗ要德过

麦克阿瑟主Ｗ要德过

星将列阵胜算高

澳职新军FC麦克阿瑟开季表现突出，依家排喺联赛榜前列，上仗喺大幅轮换之下竟然作客2比0轻取大勇嘅布里斯班狮吼，球队士气高昂！FC麦克阿瑟今午返主场迎战阿德莱德联，一众星级外援将强势回归，无论状态、信心同实力都喺客队之上，可以直取主胜！

FC麦克阿瑟7日内踢3场嘅地狱之旅嚟到尾站，球队先以2比2打和西悉尼流浪者，上仗作客如日方中嘅布里斯班狮吼，正选竟然收起晒达比舒利、马高苏沙亚达同比纳特3大星级外援，7个主力轮休下派出多位年轻小将，更估唔到係一班后备依然够料力抗强敌，最终喺尾段连入两球赢波。英格兰射手达比舒利后备上阵又有波入，脚风开始转顺，今仗主场将会回复强阵出击，赢面自然大大提高。

阿德莱德联作客脚软

作客嘅阿德莱德联近4场联赛输3仗，连埋上季在内已经连续9场联赛作客未赢过，只获1和8负，而且佢哋阵中有唔少伤患隐忧，中场赖恩基图同赖恩史达恩都会倦勤，前锋耶耶杜古利亦报称有伤在身，以阿德莱德联作客表现同球队状态，今场想喺FC麦克阿瑟身上偷鸡难度极高。