推荐预测：曼联玩留放捧半场细

曼联玩留放捧半场细

16日踢5场轮换斗韦斯咸

英格兰足总盃16强开打，「红魔鬼」曼联主场迎战韦斯咸。曼联啱啱喺联赛损兵折将，今场有保罗普巴倦勤，韦斯咸虽有「头槌王」汤马士苏锡克打甩红牌避免停赛，但另一主力连格唔可以倒戈，今场双方都要喺阵容上作出相应调配，况且「红魔鬼」下周开始要应付欧霸，领队苏斯克查点都要就住班兵嚟用，双方近4次交手半场总入球都开1球或以下，今场捧1.5球半场细。

曼联要兼顾3条战线，未来16日要踢5场，今场英足盃斗完韦斯咸，未来两轮联赛会对西布朗及纽卡素，欧霸32强两斗皇家苏斯达，虽然未致于场场硬仗，但球员体力肯定有所消耗。

保罗普巴今场肯定唔会踢，艾历拜利亦撞伤，苏斯克查亦唔会冒险畀佢上阵，加上嚟紧星期日34岁生日嘅卡云尼亦唔可以场场咁搏，预料云迪碧克、费特洛迪古斯及安东尼马迪尔会正选上阵，加上迪基亚失准，今场曼联大门会由甸恩轩达臣把守。

锤仔帮顶得两嘴

至于韦斯咸赛前收到好消息，今季联赛射入8球嘅汤马士苏锡克上场斗富咸领红牌，球会为佢上诉成功，今仗可以候命，不过韦斯咸签入连格时讲明唔可以倒戈，今场只可以做座上客。「锤仔帮」近年斗曼联表现都唔太下风，近4次对赛录得1胜1和2负，其中近3次仲喺半场领先添，今场都有权顶得住曼联，既然以上4仗全部半场总入球开1球或以下，1.5球半场细可以一试。