摘要：拜仁半场细有道里舟车劳顿体力输蚀拜仁亮相卡塔尔冲6冠！今晚上演嘅世冠盃4强，艾阿里硬撼拜仁慕尼黑。牌面上德甲豪门拜仁慕尼黑实力远胜一筹，但係佢哋始终刚于上周六凌晨踢完德甲，就匆匆起行飞赴卡塔尔，经过舟...
拜仁半场细有道里
舟车劳顿体力输蚀
拜仁亮相卡塔尔冲6冠！今晚上演嘅世冠盃4强，艾阿里硬撼拜仁慕尼黑。牌面上德甲豪门拜仁慕尼黑实力远胜一筹，但係佢哋始终刚于上周六凌晨踢完德甲，就匆匆起行飞赴卡塔尔，经过舟车劳顿，球员体力难免比较输蚀。埃及球队艾阿里慑于对手名气，应会採取稳守踢法，加上拜仁近4次踢盃赛有3次半场开细盘，中位数1.5球嘅半场入球细值博。
无可否认，欧洲「5冠王」拜仁慕尼黑整体实力高对手两班波，但始终刚抵达卡塔尔冇几耐，备战工作唔及以逸待劳嘅艾阿里，加上亦唔熟悉呢支埃及球队嘅底细，相信拜仁上半场应会先作试探，唔会太冒进。
同埋以拜仁慕尼黑嘅级数，以及过往欧洲球队喺世冠盃嘅垄断性表现，佢哋要夺得冠军，先至算合格，教练费历克甚至可能已计划好踢决赛嘅部署，今场4强未必搏得太尽，点都会预留体力，踢3日后嘅决赛，一旦拜仁取得领先优势，应该会拖慢比赛节奏，以节省体力。
艾阿里后防屯重兵死守
艾阿里日前已经率先踢咗一场第2圈赛事，并以1比0击败东道主艾杜哈尼，振奋军心之馀，仲可以提早适应当地比赛环境。事实上，埃及邻近中东国家卡塔尔，两国地理、气候及文化都接近，艾阿里今场迎战拜仁慕尼黑，可以话係有半个主场之利，加上佢哋亦喺当地勤加操练，随时可以踢出超水准，一旦有心屯重兵主守，博打和互射12码，拜仁想入波都唔容易，再睇埋拜仁近5场比赛有4场上半场仅领先1比0，半场细值博。
