推荐预测：阿苏弗爆马体会W趁热食

阿苏弗爆马体会W趁热食

今晚西甲独脚戏，1哥马德里体育会主场迎战切尔达。马体会近期多名球员确诊新冠肺炎，但佢哋愈战愈勇信心爆棚，乌拉圭神锋苏亚雷斯更脚风顺到冇朋友，面对6场不胜嘅切尔达，主胜手到拿来。

切尔达近6仗不胜

之前法达斯维都有疑问，点解马体会咁鬼弗，个主W仲有1.5倍咁好分，原来佢哋近期多人中招，马里奥靴莫素、恩历克卡拉斯高、祖奥菲历斯及新兵穆沙迪比利，先后确诊新冠肺炎而需要隔离，连同捷比亚仍要坐波监，阵容不整。不过铁血主帅施蒙尼最叻係激励士气，尤其喺逆境下，更要众将咬紧牙关，正正係呢种精神面貌，成为马体会愈战愈勇嘅标志，其中被巴塞放弃嘅射手苏亚雷斯，为争一口气搏甩髀，近8次喺联赛上阵入9粒，呢8场全部赢晒，若果再睇远啲，近16场联赛豪取15胜1负，输嗰场係不敌死对头皇马，气势如虹，难怪逐渐甩开皇马同巴塞。

切尔达虽有王牌伊亚高艾斯柏斯伤愈复出，惟连同盃赛在内，近6仗只得2和4负未赢过，似乎中途接手嘅伊度亚度高特嘅蜜月期已过，睇番佢哋今季11仗联赛作客，赢得1场咁大把，造访皇马、西维尔等强队亦败阵，遇强即屈。况且马体会近5次主场出战切尔达，取得4胜1和，今仗有力乘胜追击，主胜有计。