摘要：曼联修数冇手软主场抢Ｗ保争标机会曼联今晚英超快车主场遇上修咸顿，「红魔鬼」上场同阿仙奴互交白卷，接连两场联赛失分，已经逐渐被曼城抛离，今场冇乜失分空间。今季大家焦点都落喺曼联作客点醒，但其实佢哋最近7...
曼联修数冇手软
主场抢Ｗ保争标机会
曼联今晚英超快车主场遇上修咸顿，「红魔鬼」上场同阿仙奴互交白卷，接连两场联赛失分，已经逐渐被曼城抛离，今场冇乜失分空间。今季大家焦点都落喺曼联作客点醒，但其实佢哋最近7场喺奥脱福出战嘅赛事赢5场，遇上伤兵满营嘅修咸顿3分志在必得，热捧主Ｗ。
「红魔鬼」今季表现对办，早前更一度进佔榜首席位，不过前仗意外输畀锡菲联，上仗作客阿仙奴亦只能踢成0比0，虽然刷新球会最长联赛作客不败纪录，但最近4场联赛只录得1胜2和1负，争标变得被动，今晚于奥脱福出击，唔赢真係对唔住自己。
众所周知曼联係今季英超作客王，啱啱领队苏斯克查又话破埋费格逊联赛作客不败纪录，令大家忽视咗奥脱福嘅威力。查实「红魔鬼」近期主场出击相当稳定，对上7场主场赢咗5场，只曾喺英联盃输过畀曼城，及早前倒灶不敌锡菲联。
曼联中前场球员表现平均，中场灵魂般奴费南迪斯无论传射都係世界级，保罗普巴喺佢带动下亦重拾最佳状态，卡云尼嘅加盟更令球队「魔性」重现，首循环作客对修咸顿，曼联落后劣势下就係靠佢梅开二度，反败为胜，今场预料呢位乌拉圭老将将会正选上阵搏杀。
丹尼艾格斯未复佳态
修咸顿上周六主场0比1不敌阿士东维拉，联赛累积3连败，自然希望抢分反弹，不过佢哋中前场伤兵众多，上场连列特文都伤埋，今场或要起用19岁青年军真基域斯踢正选，呢位瑞士U21成员早几日先透过代表向球会表示想离队，斗心成疑。「圣人」前锋丹尼艾格斯上年重创后，一直未能打番最高水准，加上后防水准一般，相信难以抵挡「红魔」强攻。值得留意嘅係，曼联近4场主场胜仗都係赢1粒，今场除咗热捧主Ｗ，锺意扒冷嘅朋友不妨小注「让球和」。
