推荐预测：迪布尼受伤吼曼城半场细

迪布尼受伤吼曼城半场细

至于今晚英足盃第4圈尾场，曼城作客乙组仔车顿咸。虽然今仗强弱悬殊，但「蓝月亮」有阿古路确诊及奇云迪布尼因伤倦勤，进攻火力大打折扣，何况佢哋今季更注重防守，遇上死守嘅车顿咸，随时见好即收，捧1.5球嘅半场细更上算。

频频报捷嘅曼城，最近接连收到坏消息，先有王牌射手阿古路，早前因与确诊者有紧密接触而需要隔离，到日前证实佢同样确诊新冠肺炎兼出现症状，都要休养多一排。祸不单行嘅係，中场核心奇云迪布尼于周中联赛赢维拉之役伤出，赛后发现佢大腿肌肉出现轻微撕裂，预计要养伤4周，即係今仗唔使预佢，就算2月7日作客利物浦亦未知能否赶及复出，攻力受损。

车顿咸级数低必死守

乙组仔车顿咸实力梗係差十条街喇，睇番佢哋近9仗未赢过，但近5仗打和，只失4粒，可见呢班波重视防守，加上今仗对手超强，亦势必囤重兵于后防死守。曼城的确状态大勇，连同盃赛在内，近16仗豪取13胜3和，防守有显着改善係主因，好多时先开纪录后都会收缰，不再像以往般继续抢攻，因此呢16仗只失3粒，其中近5场有4次半场开1球或以下，为免再添伤兵，领先后随时歎慢板，1.5球嘅半场细捧得过。