摘要：「白黑之战」让主抵玩英足盃第4圈有场「白黑之战」，英超球队白礼顿主场迎战英甲嘅黑池，两队实力有极大距离，虽然白礼顿喺英超陷入降班危机，但佢哋今季整体演出并唔失礼，今晚喺主场迎战「低两班」嘅黑池，让球主...
「白黑之战」让主抵玩
英足盃第4圈有场「白黑之战」，英超球队白礼顿主场迎战英甲嘅黑池，两队实力有极大距离，虽然白礼顿喺英超陷入降班危机，但佢哋今季整体演出并唔失礼，今晚喺主场迎战「低两班」嘅黑池，让球主胜博得过。
马奥比重拾射门鞋
白礼顿目前排英超下游，但球队战斗力其实颇为硬淨，近8场比赛只输过2场，而且係面对阿仙奴同曼城2支劲旅仅输0比1，可见「海鸥」能力并唔弱，球队嘅主力前锋马奥比近期重拾射门鞋，呢位法国球星近6场赛事拎到3个入波，状态有保证。白礼顿近6场英足盃主场取得4胜，今仗有力喺主场奏凯。
作客嘅黑池喺英甲只排中下游位置，而且目前受到严重伤兵问题困扰，进攻中场基舒安达臣日前大腿严重受伤，做手术后已证实提早收咧，球队次席射手基斯杜化咸美顿亦正养伤，加上借将丹甘普被韦斯咸回收出售，黑池战力弱上加弱，要阻白礼顿晋级难度极高。
