推荐预测：维拉抢Ｗ硬砌纽卡素

维拉抢Ｗ硬砌纽卡素

今日有场英超补赛，阿士东维拉主场对纽卡素。维拉经过一场同曼城嘅热身，相信球员已经搵番比赛感觉，纽卡素连盃赛9场不胜，包括4场联赛作客全败，维拉难得遇到态沉嘅喜鹊，正好搵佢哋做反弹跳板，热捧主W。

基亚利殊巴克里有料到

维拉因疫情关係，之前经过3周联赛改期，周中终于同联赛失分最少嘅曼城复赛，虽然输0比2，但其实球队去到79分钟先失第一球，个波仲有啲越位争议添，队中主力如基亚利殊、巴克里同达米安马天尼斯都有好表现，BBC赛后畀3人嘅评分高过晒曼城全队。

虽然维拉领队甸恩史密夫因为上场抗议第一个入波畀球证赶出场，今场维拉要由助教领军，但无损球队赢波决心，维拉联赛3场不胜，但对手分别係车路士、曼联同曼城，今场面对排名15嘅纽卡素係反弹良机。

喜鹊连盃赛9场不胜，包括4场联赛作客全部输晒，其中3场更加係零入波，球队首席射手哥林威尔逊自12月中对富咸射入1球之后，超过1个月未入过波，疲弱嘅锋力係致命伤，今场作客都係乖乖放低3分，推介维拉主胜。