摘要：爱华顿主场恰惯洛达咸爱华顿喺周六晚英足盃第3圈早场迎战英冠代表洛达咸，两军最近一次交手係2018/19年球季英联盃第2圈，当时「拖肥」凭卡维特利云梅开二度及基菲尔施古臣入波，主场以3比1击败对手，两人...
爱华顿主场恰惯洛达咸
爱华顿喺周六晚英足盃第3圈早场迎战英冠代表洛达咸，两军最近一次交手係2018/19年球季英联盃第2圈，当时「拖肥」凭卡维特利云梅开二度及基菲尔施古臣入波，主场以3比1击败对手，两人今季喺安察洛堤领军下表现更上一层楼，今场随时又有斩获；至于目前排英冠尾2嘅洛达咸对上两届英足盃都喺第3圈输波出局，其中2018/19球季作客曼城更淨吞7蛋，睇怕今场凶多吉少。
狐狸雪中备战华迪休息
「狐狸」李斯特城第3圈将会作客斗英冠球队史笃城，由于当地近日起刮大风雪，李城球员周四要冒住严寒包到实喺大雪中操练，领队罗渣士证实前锋占美华迪及中场占士麦迪臣都有轻伤，今场唔会上阵斗史笃城。史笃城目前喺英冠排第8，仲有机会争升班，佢哋未降落英冠前，最近3次喺主场斗李斯特城都係和波收场，唔知今场有冇机会偷鸡成功呢？
