推荐预测：热刺托弗够赢狼队

葡帅斗法 寸王Vs纽奴

今晚英超尾场葡帅对决，狼队对热刺係纽奴同摩连奴「师徒大战」，话题性十足，论执教功力及经验，「寸王」肯定胜一筹，加上手执一副好牌，哈利卡尼同孙兴民真係弗到漏油，作客照攻狼队，热刺小让平半上盘可取。


讲当代葡萄牙足球Icon，球员係C朗，领队就肯定係摩连奴，上季佢执教热刺畀人话过时，淨係识得「泊大巴」，但其实「寸王」百宝袋仲有好多货，今季就用主攻征战英超同欧霸，亦令到哈利卡尼同孙兴民生勐晒。

热刺联赛连败畀利物浦同李斯特城后，已跌出前5，现时14战得25分，比榜首利物浦少6分，佢哋圣诞新年快车一向成绩唔错，一定会疯狂抢分。呢支伦敦球会上周中于联赛盃作客3比1大胜史笃城，球队及时止跌反弹，卡尼更射入1球，士气有保证。

狼队残阵受让都唔要

狼队领队纽奴入主后全面葡萄牙化，但佢哋抢分过于集中喺鲁尔占美尼斯身上，呢名墨西哥前锋受伤后，球队战绩大倒退，加上近期有多位主力受伤，「大隻佬」艾达马查奥尔有勇无谋、柏度尼图把握力一般，都难替代到鲁尔占美尼斯位置。最大问题係，纽奴战术单调，只係靠稳守突击食胡，尤其主场更甚，相反摩连奴如开动「抢攻Mode」，肯定令狼队上下招架唔住，热刺上盘抵玩。