摘要：李斯特城噼锡博反弹上轮联赛倒灶不敌富咸嘅李斯特城，今晚作客包尾大幡锡菲联。锡菲联今季英超输波率达9成，球员士气同信心跌到谷底。李斯特城上周中欧霸半队冇出发，留力博呢场，客Ｗ抵玩。上季英超赢盘率最高嘅锡...
李斯特城噼锡博反弹
上轮联赛倒灶不敌富咸嘅李斯特城，今晚作客包尾大幡锡菲联。锡菲联今季英超输波率达9成，球员士气同信心跌到谷底。李斯特城上周中欧霸半队冇出发，留力博呢场，客Ｗ抵玩。
上季英超赢盘率最高嘅锡菲联，3中坚战术已被破解，球队平均质素不足问题浮现，今季由利物浦签入嘅新星利安比维斯达货不对办，加盟至今仲未开斋。锡菲联攻守都唔掂，开季10场联赛只曾打和同级对手富咸，其馀9场输晒，变成输盘率最高球队，10战只得1分亦造出英超史上最差开季纪录，证明同一众列强有颇大实力差距。
李斯特城近期英超连输2场，但今轮前仍排第4位，佢哋喺主力中坚苏恩古受伤下，近期防线的确有漏洞，不过以锡菲联疲弱嘅攻力，李斯特城要应付仍然游刃有馀。「狐狸」喺欧霸提早出线，所以上周中对索尔亚有半队主力冇飞去乌克兰，摆明留力今场，加上佢哋近5场联赛作客除不敌利物浦外，其馀4场都赢波，今场有力反客为主。
