推荐预测：罗拔仔弗爆波兰唔赦荷兰

罗拔仔弗爆波兰唔赦荷兰

罗拔仔（红衫）近排弗到爆，士哥停不了。

A1组尾轮关键战，波兰主场硬撼荷兰。双方为出线都需要抢W，虽然呢组2哥荷兰嘅新帅法兰迪保亚上仗终于开斋，但表现只属一般，波兰上仗输波而跌落第3，不过主场出击分外醒神，王牌罗拔利云度夫斯基近7国际赛仗轰6粒，仲有得受让咁笋，让球主胜咪错过。

荷兰锋线把握力曳

查实A1组形势非常紧凑，2哥荷兰同3哥波兰，只落后榜首意大利1分及2分，佢哋想出线，除咗要今仗赢波外，仲要望意大利失分，但无论如何，双方都会先做好赢波本分。荷兰上仗以3比1击败波斯尼亚，新帅法兰迪保亚接手后5仗终于首度赢波，不过佢哋锋线真係「蜀中无大将，廖化作先锋」，对上13个入波，中场韦拿杜姆竟然佔咗7粒，翼锋迪比同贝云积只係各入1球，当中迪比表现更远逊预期，正中锋卢克迪庄亦质素有限，前锋把握力难靠，加上铁衞华基尔云迪积克重创长抖，尼敦阿基又受伤，防线唔係咁稳阵。

波兰上仗有中场哥拿尔斯基领红牌被逐下，作客意大利淨吞两蛋，想出线今仗非胜不可。好彩波兰返自己地头比赛特醒，近9次主场出击，取得7胜2和未输过，其中有7仗保持清白之身，唔讲得笑。虽然王牌罗拔利云度夫斯基踢国际赛唔及喺拜仁咁夸张，但近7次为波兰上阵亦入咗6粒，一样弗爆，绝对唔赦荷兰，主场受让值得捧场。