摘要：红魔弃将彭利拿拉素重生唔少前曼联球员近年转战意甲都获得重生，包括卢卡古、艾舒利杨格、阿历斯山齐士及基斯史摩宁等等，估唔到连喺曼联冇咩机会落场嘅巴西中场安达斯彭利拿都唔例外，呢位24岁中场上月初外借拉素...
红魔弃将彭利拿拉素重生
唔少前曼联球员近年转战意甲都获得重生，包括卢卡古、艾舒利杨格、阿历斯山齐士及基斯史摩宁等等，估唔到连喺曼联冇咩机会落场嘅巴西中场安达斯彭利拿都唔例外，呢位24岁中场上月初外借拉素，至今为拉素上阵3次，上场意甲对拖连奴首次踢正选，成功喺上半场15分钟入波，协助球队赢4比3。安达斯彭利拿之前为「红魔」上阵75次只入4球，依家仅为拉素披甲3次已经开斋，表现令人惊喜。拉素今晚喺F组作客斗辛尼特，安达斯彭利拿随时又有佳作。
