摘要：火力全开热刺遇宁斯做大骚今晚欧霸盃J组赛事，英超「Big6」热刺主场迎战奥地利球会宁斯。热刺今季大踢性感足球，哈利卡尼伙拍孙兴民入波当食生菜，不过后防演出飘忽，可望续演入球骚，中位数2.5球大盘必捧！...
火力全开热刺遇宁斯做大骚
今晚欧霸盃J组赛事，英超「Big 6」热刺主场迎战奥地利球会宁斯。热刺今季大踢性感足球，哈利卡尼伙拍孙兴民入波当食生菜，不过后防演出飘忽，可望续演入球骚，中位数2.5球大盘必捧！
热刺今季由欧霸盃第2圈外围赛开始打起，就算对手实力唔强都冇乜留力，一直以主攻踢法「恰」对手。虽然前3圈赛事都有失球，但3场总共入咗12粒。睇番佢哋过去4场欧霸盃赛事，总入球全达3球或以上，今场可望照办煮碗。
卡尼+孙兴民=入波保证
热刺今季喺英超同样入得失得，试过5比2大胜修咸顿、6比1狂数曼联，上轮同韦斯咸亦激和3比3；哈利卡尼同孙兴民呢对组合大爆发，今季各项赛事合共交出18个入波，威力惊人，回巢嘅加里夫巴利经过上场磨合后，今晚亦有望正选上阵，更添火力。
奥地利劲旅宁斯上季曾杀入欧霸盃16强，但当时对住曼联毫无招架之力，两回合合计以1比7惨败出局，今场面对火力全开嘅热刺，大盘机会高唱入云。
