推荐预测：萨克达半场和好路

萨克达半场和好路

撼巴素利必用守字诀

周三凌晨欧霸盃8强大战，两支嚟自5大联赛以外嘅球队萨克达同巴素利交锋，两队喺16强同样淘汰来自德甲嘅劲旅，战斗力不成疑问。虽然两军属于国内班霸，不过去到欧洲赛场硬撼实力相若或更强嘅球队，往往採取以稳为先踢法，何况今仗喺中立场踢，又係一场过生死战，保守战术在所难免，捧半场和为明智之选。

萨克达早前连续4年称霸乌克兰联赛，上届同今届都喺欧联分组赛出局，上届空降欧霸即被法兰克福大炒淘汰，今届学精咗明显以守为先，由欧联分组赛到欧霸淘汰赛都玩留前斗后，近9场欧洲赛有7场上半场打和，当中包括半场0比0闷和全欧洲火力最惊人嘅两队阿特兰大同曼城，可见萨克达上半场决心求守，的确可以做到滴水不漏。萨克达上场16强次回合赛事3比0大胜禾夫斯堡，大部分时间都係稳守首回合领先战果，3个入球都喺89分钟之后，乘对手空群出击时轰入。

巴素利出名够硬淨

瑞士劲旅巴素利同样依赖机械性团体踢法逐鹿欧霸，防守力强係球队最大卖点，巴素利已经连续5场欧霸赛事不失球，上仗赢法兰克福亦係88分钟一箭定江山，踢法上同萨克达有异曲同工之妙。巴素利嘅瑞士中场杜伦沙加係球队中后场指挥官，有佢压阵巴素利防守力颇为可靠，今场又係一场定生死嘅大战，两队必定踢得步步为营，半场和开出机会极高。