推荐预测：凤凰稳阵波追半和

凤凰稳阵波追半和

留力季后赛唔同你急

今日有场澳职独脚戏，由威灵顿凤凰喺中立场迎战布里斯班狮吼。两队同样稳夺季后赛资格，3哥凤凰仅以2分领先狮吼，为免被反咬连第3位都保唔住，今场多数会稳阵行先，以免「贪胜不知输」，加上佢哋复赛后4仗有3次开出半场和，再追可也。

3哥威灵顿凤凰虽然仲有机会争联赛次名，不过佢哋近期状态麻麻，复赛后4仗只得1胜1和2负成绩。教练乌福达雷喺紧密赛程下，更曾经大幅轮换收起主力，明显留力季后赛搏杀，上轮10人应战下以0比1不敌西悉尼流浪者，係佢哋近10场联赛首次未能取得入球。

威灵顿凤凰复赛后踢法保守，尤其上半场每每以不失波为大前提，过去4场联赛有3次半场踢成0比0，今场唔会有大转变。

狮吼状态麻麻

狮吼今季有惊喜演出，暂时排联赛第4位，落后第2位嘅墨尔本城5分，想抢得亚军获取季后赛首圈轮空嘅优势，机会其实唔大，加上排后面嘅珀斯光辉同阿德莱德联等球队都有机会过佢头，今场面对强敌凤凰亦唔会轻言抢攻。事实上，狮吼复赛后2仗1胜1负，状态同样平平无奇，上半场先踢稳阵波机会高，一于博半场和。