推荐预测：两球在手实叹慢板 富咸细摆铁桶阵

今晚英冠附4强次回合，富咸返主场再斗卡迪夫城。由於富咸射手阿歷山大米祖域继续倦勤，首回合又lead住两粒，正式你急佢唔急，今仗势必再摆铁桶阵，何况卡迪夫城嚟到附加赛明显冇晒油，焗攻更加有心无力，不妨再追2.5球嘅入球细。

富咸虽有射手阿歷山大米祖域受伤，但主帅柏加稳中求胜嘅策略部署得宜，首回合先守住半场，易边后靠基巴奴同约舒亚奥路马各省一粒，作客赢卡迪夫城2比0，抢佔先机。据报米祖域仍未好番，若果杀入英冠附决赛先可复出，因此今仗唔使预佢，既然上仗冇佢都照赢，今仗输1球都可晋级，随时再摆铁桶阵迎敌，睇定先食。

卡迪夫城油尽灯枯

卡迪夫城喺首回合有主场之利，却踢到老鼠拉龟冇碇埋手，似乎唔太擅於打主攻，依家仲落后紧2粒，要焗攻更不知所措。睇番卡城喺联赛末段搏得好尽，最后先攞到附加赛资格，与联赛末段已开始留力打附加赛嘅富咸相比，明显冇晒油。

而且讲到防守，富咸真系有一手，连埋首回合在内，近7仗有6次开2球或以下，其中5仗保持清白之身，加上近4次对卡城全开2球或以下，斯维相信富咸可守住优势入决赛，2.5球嘅细盘值得再追。