推荐预测：阿仙奴抢钱速食屈福特

阿仙奴抢钱速食屈福特

赢波随时袋多半亿奖金

英超煞科护级区大溷战，赛前排尾3嘅屈福特要作客阿仙奴。「兵工厂」上周中联赛0比1不敌维拉后，已无缘前7位，不过杀咗入英足盃决赛嘅阿仙奴仍想用赢波壮行色，而且呢场波关乎530万镑（约5,254万港元）奖金，阿仙奴唔会嫌钱腥，遇上立立乱嘅屈福特有望早开纪录赢到尾，半场主胜值博。

阿仙奴依家已经跌咗落英超第10位，虽然想透过联赛出战下届欧洲赛已经冇可能，但今场绝对唔係风流波，因为英超设有奖金制度，联赛排名每高1位就多265万镑（约2,621万港元）奖金，以目前情况嚟睇，「兵工厂」仍然有机会杀上第8位，即係赢今晚呢场煞科战，就有可能赚多530万镑，试问点会放软手脚？领队阿迪达推崇前场逼抢战术愈见成效，佢哋往往将对手逼到犯错频频，近3仗联赛主场都喺上半场领先，强如利物浦都要上半场连失2球，显示出阿仙奴呢种压逼性踢法厉害之处。唔只咁，「兵工厂」前锋奥巴美扬喺射手榜仅落后领先嘅占美华迪3球，要争做英超神射手未绝望，对住大开大合嘅屈福特随时一开波就争取数胡机会。

大黄蜂易帅谷唔起

屈福特上场赛前解僱领队皮雅臣，畀普罗球迷闹爆喺生死关头做最错误决定，最终惨吞曼城4蛋，并且因为得失球差唔及同分嘅维拉，跌落联赛尾3。虽然护级心切，但係屈福特季尾易帅只係进一步打击士气，换帅后首场惨败证明球员已经「谷唔起」，队长前锋迪尼状态麻麻，加上「大黄蜂」作客成绩极差，近5场联赛有4仗上半场已落后，今场为护级形势上焗攻，恐怕令后防暴露出更多漏洞，一于捧阿仙奴半场胜。